RATOS DE ESCOLA

O MEU NOVO BLOG DO CURSO 2009 - 2010

2009-10-07T19:13:00.001+02:00

Cambio de escola, aínda que non de cole, e tamén de blog, o novo enderezo e:
http://cousasdepeques.blogspot.com

e... SÓ ME QUEDA DICIRVOS...

2009-06-22T16:12:00.003+02:00

E...

AS NOSAS FOTOS!!!!!

2009-06-22T12:42:00.004+02:00

Deixeivos un agasaio esta fin de semana no cole, uns DVD´s con tódalas fotos que vos sacara no primeiro trimestre, algunhas que vos sacarades entre vós (os nen@s) e tamén están as do Entroido que me enviachedes algunhas mamis ó meu correo electrónico.
Xa podedes escoller cales vos gustan máis, e como non, lembrar algunhas cousiñas vividas no cole ó comezo de curso.
Espero que vos gusten!!!!!!
Aquí vos deixo un resumo desas fotos en forma de presentacións:

DESCARGAR XOGOS GRATIS

2009-05-25T19:47:00.004+02:00

Deixovos un enlace no que podere des descargar unha morea de xogos gratuitamente.
Pica na imaxe:

MANUALIDADES E IDEAS PARA FACER...

2009-04-27T12:57:00.005+02:00

Estiven buscando na rede webs nas que podades sacar ideas de cousiñas de manualidades para facer na casa, no cole...
Déixovos aquí algunhas, só tedes que picar na imaxe para ir á páxina.

UMMMMM... QUÉ RICO!!!

2009-04-12T13:10:00.005+02:00

E sigo con cousas de cociña para nen@s que, como podedes supoñer, encántanme. Así que... aquí vos deixo dúas presentacións duns libros de cociña especiais para eles: os protagonistas de tódalas casas!!!!
Espero que vos gusten, e que collades moitísimas ideas para facelas con eles.

E DE PREMIOS VAI A COUSA!!

2009-04-05T22:32:00.006+02:00

Hoxe, da man de Naiara e os seus "duendes juguetones" recibimos outro premio. Qué ben!!! Moitísimas grazas Naiara!!!

Esta mención ten as súas reglas que son:
1. Exhibir a imaxe do premio “Olha que blog Maneiro”.
2. Poñer o nome do blogue que cho deu.
3. Indicar os blogues que premias ti.
4. Avisar ós indicados.
5. Publicar as regras.
6. Comprobar que os blogs indicados sigan as regras.

E os meus blogues premiados son:
- Nieves: cuatro enredando (Asturias) os nosos amig@s postais!!!!
- Eva: del cole Argantonio
- Mi clase de infantil
- aula de infantil
- El rincón de los peques
- La lectoescritura
- La ballerina azul
- Dragones y canguros

CHEGOUNOS OUTRO PREMIO MOI FRESQUIÑO, O PREMIO LIMONADA!!!

2009-04-02T12:19:00.007+02:00

Sí, sí, sí... isto vai ben, quere dicir que se nos le!!!
Da man de Aurora, e os seus pitiños (A Coruña) recibimos tan fresco premio LIMONADA, podedes visitalos na súa dirección, están comezando no mundo dos blogues, pero seguro que non se darán escapado facilmente!!!!
MOITÍSIMAS GRAZASSSSSSSSS!

Aquí van as normas deste premio:
1. Poñer o logo no post ou no blogue.
2. Nominar alomenos outros 5 bloguess que amosen gran actitide ou gratitude.
3. Asegurarse de enlazar ben ós nominados no post.
4. Facerlles saber que recibiron este premio mediante un comentario no seu blogue.
5. Esparcir o amor e non esquecerse de enlazar a quen che premiou.

E eu pásolles este PREMIO LIMONADA con moitísimo agarimo a:
Cristóbal: http://perso.wanadoo.es/cgomezmayorga/
Grupo de traballo Benclalu 2: http://benclalu2.blogspot.com
Raquel: http://nuestraclase.blogia.com/
Cris: http://infantilortigueiracris.blogspot.com/
Unha casa para Menta: http://unhacasaparamenta.blogspot.com/

REALIZANDO OS NOSOS POUSAVASOS

2009-03-31T08:39:00.001+02:00

Xa sabedes que no cole cada un ten o seu propio mantel, feito cun debuxo persoal, ó gusto de cada quen, e plastificado para poder ser limpo tra-las merendas... e algúns nen@s seguramente tamén o terán feito na casa, pois as cousas que fai un mesmo sempre teñen máis valor, ou non???
pois outra idea sería facer os pousavasos tamén facendo un debuxo, utilizando como plantilla para facer o círculo un CD ou DVD para calcular máis ou menos o espazo.
Pero tamén, se non queredes poñervos a debuxar, e queredes facer uns cantos para cando veñan os convidados e demáis, pois podedes imprimir algún exemplos que vos deixo aquí, e despois plastificalos. Cal vos gusta máis???

PERSONAXES CON CULLERES DE MADEIRA?

2009-03-30T13:48:00.003+02:00

Pois sí, líchedes ben! coas culleres de madeira podemos facer un montón de personaxes para xogar, facer teatro de títeres... e mesmo para decorar!!
Deixóvos algunhas imaxes sacadas para ver se vos inspiran algo, e vos poñedes mans á obra. Vale?
Se facedes algo xa sabedes, mandadenos ó correo ás fotos!!!

COA COMIDA NON SE XOGA, PERO... COCIÑAR É DIVERTIDO!!!

2009-03-29T12:00:00.004+02:00

Seguro que son moitos os nen@s que cando están os adultos a cociñar queren colaborar, pero... o lume é perigoso, e os coitelos tamén!!!!
Aínda así, hai xeitos de deixarlles colaborar na cociña, sen que haxa perigo, axudándolles á hora de cortar as cousas, e sendo eles os que as coloquen, as misturen...
Ensínovos algúns exemplos de cousiñas que poderían facer os nen@s, e que seguro, lles parecerá moi, pero que moi divertido cociñar.

PREMIO AGARIMOSO

2009-03-26T12:14:00.007+01:00

Pois sí, sen saber moi ben de que se trataba... recibimos dous premios agarimosos, de parte doutras profes, ás que lles estamos moi agrecid@s.
Moitas grazas a:
Patricia http://laclasedelasluciernagas.blogspot.com
Soco http://samogapeques.blogspot.com/
E agora tócanos continuar:

As reglas a cumplir son as seguintes:

1- Facer link co blogue da persoa que cho otorgou

2- Escribir as reglas do mimo no teu bloque

3- Contar 6 cousas aleatorias sobre ti

4- Outorgarlle o mimo a 4 personas máis y enlazalos

5- Deixarlle un comentario ou aviso a quen llo outorgaras

6- Deixar os obsequiados saber cando publicaches o post.

Pois teño que contar 6 cousiñas sobre min:
Encántame o deporte.
Reláxame moito facer manualidades.
Son das que non tiran nada, gardo todo por si acaso... e logo reciclo.
Son unha aprendiz de profe-TIC, e tento facer o meu traballo o mellor que podo.
Son un pouco maníatica cá orde e a limpeza.
Gústame moito a cor lila, e ás veces xa me paso coa cantidade de cousas que teño desa cor.

E agora darei os meus mimos agarimosos a:
TATATACHANNNNNNNNNNNNNNNNNNNNNNNN.........

= 1 mimo para Arteixo... a Jose Carlos, do blogue A NOSA CLASE, do que aprendin moitisimas cousas de novas tecnoloxias. Moitas grazas.
= 1 mimo para Pontedeume, para Ana e os seus pequeños no blogue COUSAS DA NOSA CLASE.
= 1 mimo para Raquel, de Laredo, de LA CLASE DE LUNA a quen coñecin en persoa en Santander, pero que xa nos leiamos nos nosos blogues, sen sabelo antes de coñecernos.
= 1 mimo para Belen, de CASADETOLOS, un experta profe TIC, que nos ensina miles de cousas no seu blog, nos seus cursos... nos mails.

PREPARANDO A PASCOA

2009-03-10T22:10:00.007+01:00

Xa non queda nada!!! saímos dunha para metermos noutra: do Nadal, ó día da Paz, logo ó Entroido... e agora estamos a piques de recibir a primavera, e como non a Pascoa.
Deixóvos algúns enlaces a páxinas onde poderedes atopar información relativa á decoración de ovos de Pascoa, e outras cousiñas, vale??
Ide picando nas imaxes, e descubiredes as distintas páxinas e o seu contido. Espero que vos guste!!!!
DECORACIÓN DE OVOS DE PASCOA:
IDEA PARA FACER UN MÓBIL:
CAXETIÑAS:
E... aqui vos deixo tamen un monton de debuxos para imprimir, que fun recopilando da rede:

MOLDES PARA CAIXAS:
DEBUXOS DE OVOS DE PASCOA:
DEBUXOS DE COELLOS:

QUE TAL IMOS DE MATEMÁTICAS? E DE RAPIDEZ?

2009-02-24T10:41:00.006+01:00

Atopei un xogo que seguro que vos gustará, sobre todo ós máis maiores, aínda que con axuda tamén os máis pequeniñ@s poderán xogar con el. Trátase de pinchar os globos que teñan o número correspondente ó resultado dunha suma. Por exemplo se pon 2+2= (teremos que pinchar o globo do número 4). Quen empeza??? Picade na imaxe, e... a xogarrrrrrrr!!!!

OS RATIÑ@S DE TABAGÓN VIAXAN EN AVIÓN!!!!

2009-02-20T13:56:00.009+01:00

Preparad@s para o despegue? Aquí están as fotos da tripulación de "AEROLIÑAS TABAGÓN", unha modernísima nave na que poderedes viaxar a calquera parte do mundo cun combustible ben barato, a imaxinación!!!!!

Pero... está tripulación tivo moito que aprender para chegar ó seu posto, non? pois aquí hai algúns datos que seguro coñecerán, ou non?
E... quen quere xogar a facer formas con estas pezas de avións, e montar e desmontar o rectángulo formado? Pintádeo e recortade o rombo e os triángulos, para logo montar distintas formas. se xuntades dous triángulos poderedes formar un rombo!!!
E... quen quere facer un móbil chulísimo pintando este avión e os globos aerostáticos?

QUEN DE RATIÑ@ SE QUEIRA DISFRAZAR... coido que isto pode precisar

2009-02-14T22:41:00.007+01:00

E... se o que queres é os teus ollos ocultar, podes facelo con algún "antifaz", decorao ben bonito e logo verás que a todo o mundo lle vai gustar.

E para ver ben estas lentes probarás, e con papeis de cores maxia farás!!!! (ponlle a xeito de cristais uns papeis de celofán de distintas cores, e verás como a maxia das cores funcionará!!)

CORES E MÁIS CORES

2009-02-06T11:33:00.004+01:00

O Entroido é unha festa na que podemos desfrutar de ver moreas de cores e tonalidades, e coma sempre, podemos incluir un montón de debuxos temáticos para que os nen@s decoren a casa ou a clase, para facer carteis, para facer as propias creacións de antifaces, caretas, etc.
Como xa vos deixei arquivos con caretas e disfraces, agora vouvos enlaces unhas cantas páxinas con debuxos para imprimir relacionados directamente do Entroido. Vale?? Pois aquí vos van:
1
2
3
4
5
6

E... PARA ANIMAR UNHA FESTA...

2009-02-05T11:32:00.007+01:00

Podemos recurrir a varias cousas, sobre todo xogos e bailes, pero... quen domina a arte da maquillaxe artística e a globoflexia? Son moitas as páxinas de internet, os libros ou as revistas que nos permiten atopar información, para ser capaces de animar unha festa (sexa ou non de Entroido, tamén pode ser un cumpreanos, unha festa do cole...) a través da utilización da maquillaxe e a globoflexia como ferramentas.
Quen sabe????? e o máis importante: Quen quere aprender????
Deixóvos uns enlaces para descargar (só tedes que picar sobre as imaxes):
GLOBOFLEXIA
MAQUILLAXE INFANTIL

ADIVIÑA QUE ADIVIÑARÁS!!!!

2009-02-05T10:04:00.004+01:00

Moito cabelo
pouca cabeza
leva o peiteado
dunha princesa.
(acurrep a)

Con raros xogos de cartas
e vocablos moi confusos,
a cambio dalgúns cartiños
di adiviñar o futuro.
(oñivida o)

Con zapatos coma barcos
e a cara embadurnada,
intentará facer rir
a toda a cativada.
(osaiap o)

E SAÍNDO DO NADAL... XA ESTAMOS NO ENTROIDO

2009-02-05T09:18:00.005+01:00

Unha festa de tanta tradición en Galicia merece unha boa preparación, así que... imos darlle a benvida ó entroido, dende xa, e os nen@s poderán comezar a desfrutalo facendo as súas propias caretas ou antifaces. Para iso vos deixo un arquivo para descargar no filefront, só tedes que picar na imaxe das caretas, e iredes directamente ó enlace para poder descargalo.

O ROSAL É... así

2009-02-04T10:59:00.002+01:00

De momento estas son as únicas fotos que conseguín (algunhas sacadas de internet, outras sacadas por min cando fixen a ruta dos Muiños de Folón e Picón, e outras que me enviou unha mamá da escola, á que lle volvo a dar as grazas). Seguide conseguindo fotos, e mandádemas ó correo. Se está bo tempo aproveitade a sair cos nen@s a sacar fotos, xa sabedes que no cole se estiveron entrenando e xa son tod@s uns b@s fotógraf@s. Seguro que lles encatará sacar as fotos, e logo ve-las no blog. A que esperades??

O QUE MÁIS PRECISAMOS É...

2009-01-28T13:15:00.003+01:00

Solo tres letras, tres letras nada más,
solo tres letras que para siempre aprenderás.
Solo tres letras para escribir PAZ.
La P, la A, y la Z, solo tres letras.
Solo tres letras, tres letras nada más,
para cantar PAZ, para hacer PAZ.
La P de pueblo, la A de amar
y la zeta de zafiro o de zagal.
(De zafiro por un mundo azul,
de zagal por un niño como tú)

GLORIA FUERTES

Que vos parece escribir unha mensaxe de paz nesta paloma de abaixo (que hai que montar) e colgala nunha das árbores do cole, ou nas ventanas, ou nas vosas casas...

CONCELLO DO ROSAL EN IMAXES

2009-01-20T10:22:00.007+01:00

Algúns xa coñecemos algo do Concello do Rosal, coma min, que aínda me faltan moitos recunchos por ver, pero que algúns xa os visitei. E os que me ledes desde ese concello seguro que o coñecedes moi ben, pero... e os que nos len dende máis lonxe, doutro concello, doutra comunidade, ou doutro país? saberán como é o concello do Rosal?
Para que a resposta sexa sí, teremos que amosarllo, así que... que vos parecería facer unha recopilación de imaxes sobre o concello e todas as súas parroquias con recunchos tan bonitos coma os Muiños de Folón e Picón, a praia de Eiras, a ponte do río Tamuxe...?
Se picades nas imaxes que poño de exemplo iredes ás páxinas web de onde as saquei, e veredes que na rede moita información sobre este concello.
Mandade as imaxes ó correo: clasedebea@hotmail.com, e con elas farei unha presentación que se irá modificando con todas as vosas aportacións, e que estará sempre visible na barra dereita do blog. Quen empeza?

DEBUXAR CON PALABRAS = CALIGRAMAS

2009-01-19T17:31:00.008+01:00

Os caligramas son formas moi especiais de debuxar, utilizando como liñas as palabras, normalmente dunha poesía, sendo o debuxo parte central do texto.
Aínda que normalmente se fan con poesías, tamén as poderíamos facer con adiviñas por exemplo.
Aquí amósovos algúns exemplos que atopei no buscador de imaxes de google, e que reflicten de que xeito tan gráfico se misturan as palabras e o debuxo.
Atrevédesvos vós a facer un caligrama? gustaríame recibir no correo as vosas creacións e logo publicalas aquí, quen se anima? Utilizade unha adiviña, unha poesía, unha canción... o que máis vos guste.

Por se non se vos ocorre nada, póñovos unhas adiviñas para que fagades os caligramas, vale? Espero as vosas respostas!!!

Sempre quietas,
sempre inquietas;
durmidas de día,
de noite despertas.
(SALERTSE SA)

Unha grande moeda dourada
que vale moito
e pola que non pagas nada.
(LOS O)

Estes son os que fixen eu, seguro que vos tedes algún máis bonito. A que esperades para mandarvos?

VISEIRAS PERSONALIZADAS

2009-01-19T10:27:00.003+01:00

Seguro que tod@s estamos dacordo en que está facendo moito, moito frío. Non? E aínda que estos días, non vai o sol que desexaríamos, por que non facer unha viseira personalizada para cando o sol nos colla de sorpresa?
Todas as cousas que facemos nós mesmos teñen máis valor do que en sí parece, e para os nen@s tamén, así que... seguro que lles fará ilusión crear a súa propia viseira.
Deixóvos dous modelos, un propio personalizado para a nosa escola, e outro, que é a plantilla que podedes utilizar para crear libremente o voso propio modelo.
É tan sinxelo como imprimila (a poder ser en cartolina) e decorala: pintándoa co material que máis vos guste (ceras duras ou brandas, témperas, rotuladores...) e unha vez decorada, haberá que picar cun punzón polas liñas (tendo cuidado de que non rompa nin o círculo nin o borde-soporte da viseira).
Viseira Escola de TabagÓn

Publish at Scribd or explore others:

Plantilla Para Personalizar Visera

Publish at Scribd or explore others:

COLECCIÓN DE SELOS... e máis cousiñas

2009-01-17T11:58:00.010+01:00

Seguro que algún de vós colecciona algo: pegatinas, chaveiros, chapas de botellas... Eu estes días ando a voltas cunha colección de selos que comecei cando tiña 13 anos, e que tiña algo aparcada. Estiven ordenandoos e descubrín que no ano 2005 e coa idea de que os nen@s coñezan o mundo da filatelia, saíu publicado en correos un album coa historia da filatelia (que é un selo, unha carta...) e coa propia serie de selos dos Lunnis.
Conseguín un exemplar e cando volva ó cole seguro que nos servirá para descubrir un montón de cousas, e como non... axudaranos para seguir co noso proxecto de correo postal, cos nosos amig@s de Asturias. Non credes? Se tedes algún na casa xa sabedes, imos precisalos para velos no cole, así que... ide xuntándoos. Moitas grazas pola vosa colaboracion!!
E... xa que estamos a falar dos Lunnis, deixovos un enlace a unha páxina dende a que podedes descargar os xogos interactivos "APRENDILUNNIS".

E... como seguro que tod@s coñecedes a canción dos Lunnis de "Vamos a la cama", e é un bo xeito de irse a durmir de bo humor... pois por que non probades a gravar no ordenador, estilo Karaoke a vosa propia canción? Nesta páxina que vos deixo podedes facelo!!!
A cantar no karaoke!!!

COMO ANDADES?

2009-01-16T09:13:00.005+01:00

Hai tempo que non recibo novas vosas así que non sei.... como andades?, que tal o pasáchedes nas vacacións de Nadal...? trouxeronvos ou non moitas cousas os Reis? En fin, contádeme un pouquiño o que estades a facer no cole, porque non o sei.
Sería bo que con axuda dos maiores escribírades algún comentario no blog e así eu sei máis cousas do que andades a facer mentres eu non estou, que vos parece???
O "moucho" díxome onte que ás veces aínda vos portades regular, é certo iso?? Xa me contaredes!!! Pero espero que fose unha pequena bromiña do moucho. Fíxedevos se lle está a medrar o naris!!!

CONTAR COA LINGUA

2009-01-14T15:26:00.003+01:00

Propóñovos unha sinxela actividade que poderedes facer na casa e coa que traballaradedes tanto a lingua (vocabulario, letras...) coma a lóxica (números, conteo...).
Neste caso propoño un tema de moitísimo interese polos nen@s e que é o circo. Así, a partir do seu vocabulario temático pódense traballar moitísimas cousas:
Tipos de casas, vivendas, edificios: carpas, iglús, pisos...
Profesións: paiasos, , bailarinas, magos...
Os animais: leóns, focas, elefantes, tigres, cans... e centrar o estudo dos mesmos segundo as súas distintas características: polo seu hábitat, pola súa alimentación, polo seu nacemento, polo seu número de patas...
E un sinfín de cousas que a partires de aquí poderán xurdir!!!
Deíxovos tamén un puzle dun paiaso, porque xa sabedes o que me gusta que fagades cousiñas na casa. Espero que vos guste!!! cando o teñades pintado e recortado, xa sabedes, toca facelo e desfacelo unha e outra vez. E como non, emprestarllo ós demais para que proben a facelo (familiares, compañeir@s...).

POÑENDO A ANDAR A NOSA ATENCIÓN

2009-01-09T17:44:00.005+01:00

Traballar a atención é moi importante, así que cuns cadros de arte e unha actividade ben sinxela a ver se adultos e nen@s conseguides saber a que cadro pertence cada peza (no menor tempo posible claro). E... de que cadros non se amosan pezas?

POLA NOSA VISTA E O MEDIO AMBIENTE

2009-01-09T10:09:00.003+01:00

Sabíades que existe un xeito de aforrar enerxía, prolongar a vida dos monitores dos nosos ordenadores e ademais reducir a nosa tensión ocular, cansando así menos a nosa vista ante a pantalla do ordenador? Pois sí, podemos contribuir tanto á nosa saúde coma ó medio ambiente, cunha mesma ferramenta: UTILIZAR GOOGLEBLACK.
É un buscador exactamente igual que o google que utilizamos, pero co fondo de pantalla negro, e polo tanto utilizando outras cores para os textos.
Probade a ver que vos parece!!!

AGASAIOS PERSONALIZADOS

2009-01-09T09:10:00.005+01:00

Tod@s sabemos a grande vida social que teñen os nen@s dende ben pequenos, hoxe en día. Que si o cumpreanos da curmá, que si os compañeir@s do cole... sempre están de festa, sobre todo nas fins de semana, e normalmente cada un leva o seu agasaio a cada un dos eventos festivos ós que acode. Estou segura de que ás familias ás veces xa non se vos ocorre nin que mercar, verdade?
O caso é que ás veces, non nos damos conta de que realmente pode ter máis valor algo feito por nós que unha cousa mercada, pero... xa nos mal-acostumamos a mercar, mercar e mercar!!!!!
Pero probade, se acompañamos o noso agasaio cun elemento personalizado e propio seguro que gustará máis, por exemplo:
- Que o nen@ faga un debuxo personalizado para @ cumpreañeir@ e o enmarque pegándoo nunha cartolina e poñéndolle unha lá por detrás para colgalo coma se fose un cadro (moi importante, que non se olvide de facer a sinatura, e a data).
- Que o nen@ faga unha etiqueta divertida para o agasaio, na que poña o nome d@ cumpreañeir@, o seu propio e un pequeniño debuxo (lembrade que sempre se pode decorar pegándolle distintos elementos para que quede máis vistoso: purpurina, pauciños, algodón....)
- E... por que non? que faga a súa propia felicitación de cumpreanos. Pode ser que simplemente faga o debuxo e escriba o texto nun folio ou nunha cartolina dobrada... ou que os maiores lles axudemos coas súas creacións libres, e convertíndoas en cousas "moi elaboradas" e orixinais.
Preséntovos aquí un exemplo nun vídeo dun programa de TV que seguro xa víchedes máis dunha e dúas veces (ART ATTACK). Neste elaboran unhas felicitacións cun crocodilo, cunha cabaza... pero collendo a idea, veredes como se pode traspasar a calquera debuxo que faga un nen@.

Tamén podedes utilizar a técnica dos rizos de papel para facer unhas creacións ben bonitas, aínda que estas teñen que ser realizadas polos adultos, xa que requiren dunha precisión e unha motricidade fina que os nen@s aínda non posúen.
Mirade algúns exemplos que atopei no libro: Rizos de Papel.
Tócavos a vós, máns á obra, cando teñades un cumpreanos, xa sabedes: A CREAR!!!!

APRENDER A ATAR OS CORDÓNS DOS ZAPATOS

2009-01-05T10:37:00.009+01:00

Xa é hora de que @s máis maiores ratiñ@s da escola de Tabagón comecen a atar os seus cordóns, ou que polo menos, comecen a intentalo, non credes?
Atopei un conto na rede que é perfecto para este tema, e que amosa como hai que intentar facer as cousas antes de dicir que non sabemos facelas, logo, tras intentalo varias veces, seguro que o conseguimos.
Outro libro moi apropiado é este:
Para saber máis datos sobre o mesmo, picar aquí.
Ademais deixovos aquí unhas plantillas para que as imprimades en cartolina, ou as calquedes en cartón, ou mesmo as imprimades en folio (e a ser posible as plastifiquedes ou forredes para que duren máis e se manteñan duras)... e así @s nen@s poderán practicar un pouquiño na casa, con cordóns vellos que seguro teredes por ahí.
Tamén se poden utilizar pequenas poesías ou retahílas, como por exemplo:
" LAZO GRANDE, LAZO MIÚDO, CRUZAS OS DOUS E XA TES UN NUDO"
(Esta é unha versión traducida tal cal para que rime, senón sería nó e non nudo). Esta sóame de escoitala nunha película, aínda que non me lembro de cal.

Seguro que hai un montón de formas de facer máis fácil esta aprendizaxe que logo se fará tan cotiá, así que se alguén sabe outra forma que no-la faga saber a través dos comentarios ou do noso correo de aula, e as poñemos aquí. Grazas por colaborar!!!

GALICIA ENCANTADA

2009-01-05T09:55:00.004+01:00

Navegando pola rede, e non sei ben buscando que, coma sucede moitas veces... atopei unha páxina moi completa sobre Galicia, e en realidade trátase dunha enciclopedia sobre a fantasía popular da nosa comunidade.
Fala de todo un pouco: de lendas, de toponimia, de xogos populares... estaría ben que lle botarades unha ollada que seguro que descubrides algunha curiosidade, eu descubrín unhas cantas.

COMO ANDADES DE MEMORIA?

2008-12-19T11:55:00.004+01:00

Para sabelo o mellor que podedes facer é poñervos a proba, por exemplo cun xogo, o do "MEMORY", e neste caso, un especial de Nadal.
Só teredes que descargar o arquivo picando neste enlace, e imprimir as dúas follas nas que aparecen varias parellas de debuxos de Nadal. Podedes colorealas ou non, pero o que sí hai que facer é recortalas. Incluso podedes traballar o vacabulario e a lectoescrita poñéndolles os nomes debaixo de cada imaxe, etc.
COMO SE XOGA:
O xogo consiste en poñer todas as parellas de cartas que desexemos (segundo a idade dos nen@s e o grao de dificultade que queirades) boca abaixo e mesturadas. Logo, seguindo unha orde ides levantando dúas tarxetas cada xogador@, se son parella (iguais) gardádelas no voso peto e seguides levantando outra parella, se non son parella, volvedes a colocar esas tarxetas boca abaixo no mesmo lugar que estaban e pasaría a quenda ó seguinte xogador@.
Así ata que se rematen todas as tarxetas. Finalmente contaríades cantas parellas conseguiu cada xogador@.
VARIANTES:
- Podedes xogar tamén a buscar tarxetas que teñan unha mesma letra, por exemplo: poñer todas as tarxetas cara arriba e que un diga: buscamos cousas que teñan a letra M, e todos a coller as tarxetas que crean que teñen esa letra.
- Facer comparacións entre as imaxes: coller dúas tarxetas e preguntarlle ó compañeir@ en que se parecen, ou en que se diferencian...
- Inventar contos: crear contos colaborativos, escollendo algunhas tarxetas e tendo que metir dito vocabulario na historia...
Espero que vos guste!!!

KARAOKE EN INGLÉS

2008-12-17T10:28:00.005+01:00

A última semana de novembro, cando os nen@s xa comezaban a ulisquear que estaba moi preto o Nadal, había algúns que mentres facían fichas ou xogaban nos recunchos, cantaban cancións de Nadal, bueno, unha especialmente, e era en inglés!!!! A ver si con este karaoke vos poñedes toda a familia a cantar en inglés!!!! Estaría ben!!!
BOAS FESTAS!!!

PUZLES E MÁIS PUZLES...

2008-12-17T10:06:00.006+01:00

Con algunhas imaxes que tiña no meu ordenador, e rescatadas de calquera das páxinas de colorear que teño enlazadas... fixen uns puzles fáciliños de 3, 4 ou 6 pezas. A quen lle gustaría colorealos, recortalos e xogar a facelos e desfacelos unha e outra vez? Aquí os tedes!!
Algúns parecen especiais para a nosa clase porque hai ratiños, non?

TENDO EN CONTA QUE CHEGAN AS VACACIÓNS...

2008-12-16T21:38:00.010+01:00

Lula e Panchita non quererán pasar as vacacións soiñas no cole, e o que é máis importante, seguramente non aguantarían, pois necesitan de alguén que as coide: lles de a comida (aínda que xa sabemos que durante o inverno non comen case nada), lles cambien a auga...
A quen lle gustaría coidalas? Dicídello á profe María Jose para que vos de o venres a tartarugueira, a comida, e máis a botella da auga (na que hai que ter a auga alomenos 24 horas).
Xa sei que quedarán en boas mans, así que, sinxelamente coidádeas moito, vale?
Por certo, acabo de atopar un truquiño para debuxar tartarugas super fácil, animádesvos? Con axuda as cousas sempre son máis fáciles, así que, @s maiores a axudar ós peques!!!
E xa aproveitando, déixovos aquí un montón de debuxos de tartarugas, que poderedes decargar para utilizar como queirades: colorear, recortar, picar... picade sobre o debuxo da tartaruga para descargar o arquivo:

AS NOSAS PROPIAS POSTAIS DE NADAL

2008-12-15T12:56:00.020+01:00

Se aínda non mandaches as túas postais de Nadal, agora podes facelo utilizando os nosos propios modelos do blog, hai 10 para elixir!!
Escolle as que máis che gusten, imprimeas, coloreaas e decoraas como queiras (con purpurina, pegando algodón, pegando anacos de distintos papeis e texturas...) e enviaas canto antes!!
Para decargar o arquivo só tedes que picar sobre a postal do boneco de neve.
E si queredes etiquetas para os agasaios, tamén podedes descargar algúns modelos picando sobre a imaxe do agasaio laranxa.

E si queredes decorar un PAPA NOEL grande para poñer na vosa casa, só tedes que descargar este arquivo onde hai catro pezas para montalo.

ABECEDARIOS DE NADAL e MANDALAS DE NADAL

2008-12-14T17:38:00.010+01:00

Subín uns abecedarios de Nadal, para que os descarguedes, e sorprendades a quen vos desexedes cunhas bonitas postais, ou carteis... ou por que non? para que decoredes cada unha das letras que precisades para escribir o voso nome. En fin, para o que queirades, aquí vos deixo os enlaces, só teredes que picar nos debuxos das letras para poder descargar cada un dos abecedarios
Tamén vos deixo un enlace para descargar un montón de mandalas de Nadal que fun arquivando, de distintos sitios da rede, moitas das páxinas que teño enlazadas na parte dereita do blog.
Só tedes que picar na imaxe que aparece de exemplo, e descargar toda a carpeta (aparece comprimida, igual que os abecedarios, así que precisades un descompresor para poder abri-los arquivos (WINRAR por exemplo).
Desfrutade pintando mandalas, pois como xa dixen nalgunha ocasión, son moi relaxantes, tanto para adult@s como para nen@s, e a poder ser facédeo cunha música relaxante de fondo, e con incienso ou algunha esencia de queimar, para que o ambiente sexa o ideal!!! Logo, coa vosa creatividade conseguiredes grandes obras de arte, e mesmo podedes facer unha exposición na vosa casa, e incluso para o día de Nadal podedes organizar unha actividade familiar consistente en decorar distintos mandalas e colocalos na árbore a modo de bólas... bueno, non vos dou máis ideas, simplemente pois deixo aquí este recurso para que o utilicedes cando queirades.

ESCRIBIR CON LETRAS DE NADAL?

2008-12-13T20:43:00.008+01:00

Queredes facer unha mensaxe nun código secreto? Queredes facer un marco de nadal nas vosas tarxetas, fichas...?
Poderedes facelo descargando unha fonte de nada l, dende aquí mesmo, e logo instalala no voso ordenador para poder traballar con ela. A que esperades?
Para instalala: Unha vez que teñades descargado o arquivo no voso escritorio, só teredes que descomprimilo, e levalo á carpeta FONTS que está no panel de control. Logo xa vos aparecerá nos tipos de letras do voso procesador de textos.

O enlace queda aberto na parte dereita do blog, no apartado FONTES, onde poderedes descargar un montón. Algúns exemplos son:

ALGUNHAS MANUALIDADES QUE PODEDES FACER...

2008-12-13T15:01:00.010+01:00

Esta profe todo o rato está a pensar, que poderíamos facer para isto? ou para aquilo?
E ó final, non me puiden resistir a mandarvos algunhas ideas de manualidades sinxelas que podedes facer nos coles, ou "en familias"(e que as atopei na rede).
Xa sabedes que é algo que me gusta moito, mandar pequenas tarefas para a casa para que as fagades xuntos, e así os nen@s se den conta de que a escola e a familia, "tira cara o mesmo lado" e traballamos colaborando.
Así que... mandóvolas indirectamente, mirádeas e ó mellor se vos apetece facer algo, non? Se é así, por favor, mandádeme as fotos das vosas creacións ó e-mail, e tamén quero ver se fixechedes o belén, e todo iso? quen poda sacar fotos que mas mande, vale?
Graciñas!!!
Unha caixa porta agasaios, con forma de reno, feita cunha caixa de cartón.
Boneco de neve con pratos de cartón, botóns, teas, cartolinas...

Boneco de neve con oveiraa, teas, cartolinas...
Boneco de neve portacousas con vaso de plástico, goma eva, ollos móbiles...
Bonecos de neve para a árbore de nadal con feltro pintado, botóns, axouxeres...
Bonecos de cartolina ou de goma eva con forma de cono
Bolsas de papel decoradas como renos con teas, lazos, esponxa, goma eva...

Xa vedes o fácil que é reciclar!!!!! Todo vale!!!!
E por si acaso se vos pasa, outra forma de reciclar moi útil, en canto a roupa se refire, é gardar todos os calecetíns desemparellados que anden pola casa, que seguro hai máis dun, a que si? Pois cun calcetín desemparellado, e outras cousiñas coma: botóns, esponxa, retais, lás... e todo o que se vos ocorra, poderedes axudar ós nen@s a crear uns magníficos compañeir@s de xogo: marionetas ou títeres. Só teredes que deixar voar a vosa imaxinación e desfrutar dos xogos creados por un mesmo. Probade e veredes como é certo!!!

NON ESTOU NO COLE, PERO...

2008-12-03T19:05:00.008+01:00

ESTOUVOS VIXIANDO!!!!!! Ou mellor dito, teño uns paxariños que me van contando todo o que ocorre na clase, así que... estade ben atent@s, que senón poñeranvos multas (tarxetas vermellas) e iso non é o que queredes, verdade???
Pois xa sabedes, portadevos moi ben c@s profes que estes días vos están ensinando unhas cousas moi chulis... creo que hoxe fixéchedes papiroflexia, non? e que tamén coñecedes o conto do Gato Lambón, non?
Para que vexades que o sei todo!!!!!!
Quero que me conten sempre que sodes moi moi b@s, e que traballades moito, vale? trato feito?
MOITOS BICOS, vémonos pronto!!!

A IMPORTANCIA DE RECOÑECER O NOSO NOME

2008-11-30T00:15:00.001+01:00

É tanta, que se non estamos atent@s nos podemos levar equivocada unha cousa que non é nosa para a casa, por exemplo!!! Pero... ademais así temos máis poder sobre as nosas propiedades pois as recoñecemos como tales, e non como cousas.
Así, os de 3 anos (e o resto tamén, claro) xa recoñecen o seu nome porque o ven escrito no panel dos encargad@s, nas mesas... pero ademais teñen que realizar tarefas que lles esixen estar atent@s para recoñecer as súas pertenzas, por exemplo: coller o seu carné da biblioteca, e poñelo na súa carpeta, para poder levar o conto á casa a fin de semana.
Mirade como Diego despois de coller o seu carné da biblioteca, entre todos, está a rebuscar nas carpetas ata que atopa a súa.
E por suposto que sabe cales son as súas cousas, porque "sabe ler" o seu nome.
Moi ben!!!!!!

GRAZAS POR TANTOS MATERIAIS

2008-11-30T00:11:00.003+01:00

Para o noso proxecto dos números e das letras. O certo é que con tantas cousas nas que hai números e letras, imos poder darlle a Pipín (o trasno) moitísimas razóns polas que son importantes, e tamén explicarlle moi, moi ben para que serven.
Grazas!!
Algunhas cousas xa as dixéramos nós no primeiro día, pero así co material diante quédanos moitísimo máis claro, e sobre todo ós pequeniñ@s.

RESUMO DA ESTRELA DA SEMANA

2008-11-29T23:51:00.001+01:00

ESGRAFI...QUE?

2008-11-29T23:34:00.004+01:00

O venres fixemos a técnica do esgrafiado, pintando unha cartulina cunha chea de colores ata que non se vise nada de nada.
Logo íamos tapalos todos con cera branda negra, pero... quixemos experimentar, e o tapamos con témpera negra.
Posteriormente (cando seque a pintura) remataremos os nosos debuxos máxicos , facendo un debuxo con escarvadentes sobre a pintura e negra, e...que pasará? xa o veredes, será arte de maxia!!!
De momento ímosvos ensinar un experimento que fixemos:
- Primeiro pintade con ceras brandas de moitas cores unha cartolina.
- Logo pintade con cera branca sobre todas as cores anteriores.
- Que pasou? que as cores se foron misturando e aparecen novas cores, máis claras, difuminadas.
- E si logo lle botamos por riba témpera... isto é o que ocorre. A que é chulo?

BONECOS DE NEVE

2008-11-27T21:23:00.001+01:00

Queredes ver o chulis que nos están quedando os nosos bonecos de neve???
Os de 3 anos, só fixemos a neve e as nosas mans estampadas, porque somos aínda pequeniñ@s, pero... mirade que chulada!!!

NÚMEROS E MÁIS NÚMEROS

2008-11-27T20:51:00.004+01:00

Hoxe, grazas a vosa axuda, xa puidemos pescudar máis cousas sobre os números e as letras, pois nos mandáchedes material e sabemos que tamén os hai: nos carnés, nos botes dos productos de limpeza, nas datas de caducidade dos alimentos, nas etiquetas da roupa... e un montón de cousas máis que seguiremos analizando!!!
Tamén sabemos que hai números na cinta métrica (que moitos pensaban que era para "pesar") así que... probamos para que servía, e utilizamos unha que tiñamos no cole, e que tiña os números ata 150, así que contamos ata esa cantidade todos xuntos e eu ía poñendo a man en cada número, e así, víamos canto nos faltaba máis ou menos para rematar.
E logo aproveitamos a medirnos e plasmar as medidas, vendo os números correspondentes, e a existencia de nen@s con igual número na altura, outros máis, menos... facendo comparacións.

QUE NOS DEIXARON OS TRASNOS?

2008-11-26T15:59:00.005+01:00

Hoxe Pipín, un trasno que non coñecíamos, e que é curmán de Trasni (o trasno da nosa biblioteca) deixounos unha nota, pero... Pipín é tan pequeniño que nos quixo deixar unha nota, pero como non saber escribir... escribiuna o seu pai.
A nota era moi, moi, moi pequerrechiña, así que tivemos que coller unha lupa para poder lela, e alí nos pedía axuda, pois non sabía para que servían as letras nin os números, e quería sabelo!!!!
Nós estivemos pensando, pensando e dixemos unhas cantas cousas, pero... as nosas familias axudarannos mandándonos cousas nas que haxa números e letras.
A que sí?

A ESTRELA DA SEMANA É...

2008-11-26T15:59:00.002+01:00

Naim, e aínda que non puxemos nada no blog, é porque así o venres vedes xa o resumo da semana nunha presentación de fotos, pois agora xa sabedes máis ou menos o que facemos cando somos "protagonistas".

QUE HAI DE NOVO NO COLE?

2008-11-26T15:38:00.003+01:00

Pois esta semana comezamos a utilizar os nosos colares-carnets para xogar nos recunchos. Así, en cada recuncho hai un ou dous carnets, dependendo de cal sexa (pois por exemplo no EDI ou no Ordenador so hai un), e cando rematamos os nosos traballos sobre papel, ou as nosas pesquisas, podemos escoller a onde ir.
De momento, cada un elixe libremente a onde ir, sempre e cando esté libre (é dicir, que haxa algún colar, pois se non hai ningún quere dicir que xa está o número máximo de nen@s xogando nese recuncho), e así nos imos acostumando a usalos, a mirar ben se podemos ou non, e a xogar nel, recollendo o material (como xa facíamos antes).
Para a semana, xa haberá un panel no que se irá marcando quen vai a cada recuncho cada día, e así non nos repetiremos, pois hai quen non sairía da perruquería e os disfraces, e que non sae das construccións, e así equilibramos un pouco as actividades.
En plástica estamos a facer cinco bonecos de neve, pero non 5 calquera, eh!!! con sombreiro, ollos, nariz, boca... e coa nosa man!!!
Tamén estamos a preparar máis oveiras, para facer un montón de xogos matemáticos!!!

Escribimos no ordenador o vocabulario que estamos a traballar no cole, e de paso... practicamos o recoñecemento das letras, a experimentación coas novas tecnoloxías...e un pouco de todo!!

ILUSIÓNS ÓPTICAS!!

2008-11-24T22:34:00.006+01:00

Primeira proba:Para tod@s aqueles que estades vendo o blog, pasade por esta páxina, e relaxádevos un rato vendo ilusións ópticas. Cousas que parecen incribles!!!

Un coello ou un pato?
Cisnes con sombra de elefantes?
Móvense as sementes?
Ves algo máis ca un xarrón?

PUM, PUM...HAI CARTA! DE QUEN?

2008-11-21T15:21:00.003+01:00

Cando xa case estábamos recollendo para marchar, sonou o timbre e era a carteira, que nos traía unha carta dos nosos amigos de Oviedo.
Gustounos moito, mandaronnos unha foto e uns debuxos (coma lles imos mandar nós a eles)
e tamén unhas fichiñas do seu proxecto dos sentidos, por si os queríamos investigar, e todos dixeron que sí!!!!!!
Así que xa sabedes o que toca, ademais do noso proxecto dos monos, e o do protagonista, teremos que pescudar sobre os sentidos!!!

O XOGO E O CONTO FAVORITO DA ESTRELA DA SEMANA

2008-11-21T15:06:00.002+01:00

Hoxe puidemos ver o conto favorito de Ángela, e límolo na clase... e tamén puidemos ver o seu maletín de Doctora, co cal puxo algunha que outra inxección...
oscultou...
Ademais, hoxe completou outra páxina do seu libro de protagonista, facendo a súa pegada co pé, e os demais debuxárona para meter no seu libriño.

E sorprendeunos a todos, escribindo o seu nome, con moi pouquiña axuda, miradeo!!!

A NOSA CASTAÑA BAILARINA

2008-11-20T15:32:00.005+01:00

Aínda nos faltaba por facer unha cousiña do magosto, e que por falta de tempo, non puidemos facer, pero hoxe, aproveitamos e pintamos a nosa castaña bailarina, e tendimos todas as fichas para que sequen e mañá poder rematala, recortando as pezas e montandoa con encaudernadores, para que se lle podan mover as mans e os pés.
Para pintalas, utilizamos bastonciños.

AS GAMAS DE CORES

2008-11-20T15:21:00.004+01:00

Hoxe os máis pequenos estivemos a xogar coas cores, e para iso utilizamos un aparello de reciclaxe (soportes de bolígrafos de librerías) cos que a modo de xogo, tiña que ir ensartando ceras de distintas gamas de cores: azuis, amarelas, verdes... (incluíndose todas as posibilidades existentes dentro das posibilidades existentes nunha gran caixa de ceras que temos na aula). Así que, cada un traballaba cunha cor distinta, e logo íamos cambiando. Para desmontalo, íamos quitando as ceras de unha en unha, e cun pouquiño de axuda, íamos contando tantas ceras había de cada cor.

O FOTÓGRAFO DO DÍA

2008-11-20T15:14:00.002+01:00

Lembradésvos de que íamos a ter un encargad@ fotográfo cada día? Pois, por fin, hoxe comezamos a facelo no recreo, e despois tamén dentro da clase.
Como os outros encargad@s aparecen reflictidos nun panel, e van en orde rotándose os papeles cada día, excepto o da Estrela da Semana (que o seu nome indica rota por semana e non por día).
COMO OS IDENTIFICAMOS?
Sol: Protagonista da Semana.
Lúa: Encargad@ do día.
Cámara: Fotográf@ do día.

ESTE MOUCHO NON NOS DEIXA DESCANSAR!!!

2008-11-20T14:48:00.002+01:00

Hoxe o moucho repiteu a mesma historia de mandarnos facer cousas, desas nas que temos que estar moi atentos, pois se nos despistamos... non nos saen as tarefas que nos di.
Hoxe mandounos tocar a nariz dos nosos veciños de mesa...
facerlle cóxegas ós nosos compañeir@s da dereita e da esquerda no corro da asamblea, poñernos boca abaixo e agarrar os pés...
que a encargada fose a catro patas a coller a caixa máxica e mirar se había algo
e... sorpresa!!!! había tres cousas: dous libros viaxeiros (un de contos e outro de debuxos) que irán completándose a medida que vaian viaxando polas nosas casas, e album con fotos nosas, do cole, nas que estamos todos pintados (nas festas, cumples...) e no que teremos que escribir os pés de foto, e logo convertilo nun album viaxeiro! cantas cousas!!!!
Hoxe só comezou a viaxar un, o dos debuxos, que o levou Paula, mañá comezará a viaxar o dos contos, e para a semana, a ver se temos listo o album de fotos (non vos aseguramos nada, posto que temos moito que escribir, e ás veces... nos liamos con cousas, e don damos acabado, pero... esperemos que sí!).
Ademais o moucho nos pediu que nos presentasemos correctamente a el, porque ás veces facemos tanto barullo que non se da enterado de quen é cada un, así que, fixemos unha fila, e fomos saudándoo: Ola moucho, bós días son Aarón, hola moucho, bós días, son Diego...

e... PARA CONCENTRARSE E RELAXARSE

2008-11-19T18:20:00.006+01:00

Hoxe comezamos a traballar sobre os nosos propios libros de mandalas. Lembradesvos de que fixeramos un mandala dun caracol? Pois esa convertiuse na súa portada, e agora dentro do libro hai un montón de mandalas (variando a cantidade en función da idade).
Na contraportada tamén se incluen unhas pequenas ideas de como se realiza o traballo con este tipo de material, e seguramente algunha vez o levarán para a casa para traballalo con vós.
Aínda que a simple vista parece que se trata simplemente de colorear, hai estudios que amosan as súas vantaxas e posibilidades cara á mellora da creatividade (tanto en nen@s coma en adult@s) e tamén é un traballo que lles axuda a concentrarse, a relaxarse... polo que, de cando en vez non ben nada mal.
Que vos parece?

SABEMOS MOITAS COUSAS DE ÁNGELA

2008-11-19T17:59:00.004+01:00

Hoxe aprendemos un montón de cousas sobre a vida de Ángela, porque veu a súa nai a contarnos un montón de cousas de cando era pequena (o que pesaba, o que medía, o que gustaba facer...).
Vimos aínda máis fotos (pois se lembrades Ángela xa nos ensinara algunhas na asamblea onte, no seu album) e ademais, ensinounos algunhas cancións que non coñecíamos. Pasámolo chachi!!!!
Logo, mentres os demais facíamos as nosas tarefas, a estrela da semana fixo algunhas cousas do seu libro de protagonista: escribiu o seu nome (cunha pouquiña de axuda, pero pouca), pintou, fixo unha serie de gomets para decorar a portada, e plasmou as súas pegadas (dos dedos, e da palma da man).

O MOUCHO

2008-11-18T15:06:00.004+01:00

Hoxe o moucho deunos unha sorpresa, e cando estabamos na asamblea falou coa profe e lle dixo que o encargado e maila protagonista da semana tiñan que poñerse de pe, dar 5 voltas da man, 4 saltos... e logo que fosen á caixa máxica pois había algo.
Alí, estaba unha nota de Trasni que nos daba un recado de parte dos nenos e nenas dun colexio de Oviedo, que nos querían coñecer e querían escribirnos cartas, e nos preguntaban se nós también queríamos.
Por suposto que a nosa resposta foi que sí.
O primeiro que pensamos foi que precisamos para escribir unha carta, e as respostas foron: un sobre, papel, lapis, a data, un buzón... e comezamos mans á obra, pero ó final decidimos que tamén a podíamos escribir entre todos no ordenador, e foi o que fixemos.
E dentro da carta para que nos coñecesen un pouquiño mellor mandamos uns debuxos que fixemos de nós mesmos, e tamén outros doutras cousas que nos apetecía debuxar (un colar, unhas flores, unha granxa...). Esperemos que lles gusten!!!

MÁIS COUSAS SOBRE A ESTRELA DA SEMANA

2008-11-18T14:41:00.002+01:00

Hoxe Ángela ensinounos un album de fotos de cando era pequena, e foinos explicando con quen estaba, así que agora xa coñecemos ós seus papás (e sabemos os seus nomes), os seus avós, os seus padriños... e tamén descubrimos que na primavera e no verán se bañan nunha piscina pequena azul que teñen na súa casa (porque a vimos na foto)... e ata coñecemos a Xon, que é a súa bisavoa.

A ESTRELA DA SEMANA

2008-11-17T15:15:00.005+01:00

Hoxe comezamos coa experiencia da "Estrela da Semana", e tocoulle comezar a Ángela, así que... nesta semana tod@s aprenderemos un montón de cousas sobre a súa vida, os seus gustos...
e tamén traballaremos cousas a partir do seu nome, faremos debuxos de como é ela... e ata recibiremos a visita dalgún membro da súa familia, que nos falará de cousas dela.
Hoxe comezamos por traballar con como é: de que cor ten os ollos, como ten o pelo, é máis alta ou máis baixa que fulanito ou menganito, como vai vestida... e fixemos a súa silueta en papel continuo, que logo decoramos fixándonos na súa roupa, e en como é fisicamente.
Tamén vimos cales eran as letras do seu nome, e algúns nen@s (mentres outros estaban traballando coa silueta) as decoraron, para despois escribir o seu nome no panel, e así poder traballar esta semana con todas esas letras, así como tamén para marcar o lugar onde se expoñeran as cousas da protagonista.

CREADE OS VOSOS NOMES ANIMADOS

2008-11-16T09:49:00.003+01:00

Acabo de atopar unha páxina na que podedes crear o voso nome animado, para logo imprimir e colorear.
Non só podedes esribir o voso nome, senón tamén unha mensaxe, para por exemplo... mandarllo a alquén.
A páxina é francesa pero non teredes problema en facelo, xa veredes o sinxelo que é:
- Escribides o nome ou palabra que queirades no recadro onde pon: PRÉNOM.....
-Logo escribide a mensaxe a mensaxe que desexedes no apartado: PRÉNOM 2 OU MESSAGE...
-Escollede o tipo de letra.
- Escollede o tamaño de letra.
- Por último dádelle a CREAR.
Logo só tedes que gardar a imaxe e imprimila.
Para gardala, cando a teñades creada, só tedes que picar co botón dereito enriba dela e seleccionar a opción: gardar imaxe como... ( e escoller o nome do arquivo, e o lugar onde gardala)
A que estades esperando para probar?????

NORABOA!!!!

2008-11-14T16:20:00.005+01:00

Por falta de tempo no día de hoxe, pois os venres sempre temos moitas cousas que facer, e hoxe ademais unha festa de cumpreanos... non puiden elaborar as fichas individuais de control de comportamento para levar nas carpetas do préstamo de biblioteca, pero... como dixen na saída, todos conseguiron o premio, posto que todas as tarxetas son verdes, salvo dúas vermellas que hai no taboleiro!!! os aludid@s xa saben que son eles, pero non puxen a foto do taboleiro, por si acaso lles parecía mal. Ímoslles dar outra oportunidade, a ver si a próxima semana temos TODO VERDE!!!!
O caso é, que polo momento, este sistema, vai funcionando. Grazas pola vosa colaboración, xa sabedes que esto é cousa de tod@s: nen@s- familia- escola.
E de agasaio, da miña parte...

Para ver os vídeos en grande, só tedes que picar enriba dos rectanguliños que hai nas esquinas dos vídeos.
TOD@S A CANTAR, E A REPRESENTAR A CANCIÓN!!!!
E pasade unha boa fin de semana!!!!

ANDAMOS DE FESTA EN FESTA

2008-11-14T15:47:00.007+01:00

Hoxe celebramos o cumple de Paula, por iso, volven as merendas para a casa na mochila, pois comemos ata case reventar!!! algúns tiñan na boca un trozo de rosca, na man o vaso de zume, o coa outra xa estaban collendo patacas fritas, non fose que sairan voando!!!!!
Cantámoslle o cumpreanos feliz, e agochámonos para que pensase que non estabamos e darlle unha sorpresa, logo tamén lle dimos uns debuxos cos que fixemos un libro...

pintamos as caras...

xogamos con globos (que por certo, non quedou nin un, estouparon todos en menos que canta un galo!), comimos, sacamos fotos, bailamos, xogamos... e cando xa nos íamos, Paula aínda nos deu de agasaio uns oviños de chocolate.
En definitiva, coma en tódalas festas, procuramos pasalo xenial!!!!!!

VAIA ARTISTAS!!!

2008-11-14T15:38:00.002+01:00

Hoxe algúns aproveitaron para amosar que son uns grandes artistas coa pintura de dedos...
e tamén pintando con bastonciños. Sentimos moito levar os mandilóns tan sucios, pero é que... a limpeza estaba nos cadros!!!!

AS TAREFAS e outras historias!!

2008-11-14T15:19:00.006+01:00

Como xa ben sabedes, na clase temos uns encargad@s cada día, que teñen que facer unhas determinadas tarefas, e por certo, cada día máis e máis difíciles.
Pero... aínda que somos nenos e nenas de tres idades distintas, valémonos diso para aprender moitísimas cousas, así: os pequen@s aprendemos moito dos máis maiores, e os maiores axudamos ós pequen@s. E entre todos, APRENDEMOS A APRENDER!!!!
Moitas veces o día escoito a frase NON SABO... e seguro que vós tamén, e claro, o primeiro que nos xurde ó escoitar iso, é gracia!!! e aínda pensamos, pero por que os nen@s dirán sempre non sabo, ou profe xa acabín? E non é nin simplemente algo gracioso, nin quere dicir que o nen@ non saiba falar, senón todo o contrario. Isto quere dicir que está nunha fase (xeralmente ós tres anos) de adquisición da linguaxe, na que adoita a convertir todas as formas verbais en regulares, aínda que non o sexan (algo ben normal, non? como van a saber os nen@s de infantil cales son os verbos regulares e os irregulares?
Así por exemplo:
-si se di... fago (por que non se vai a dicir sabo?
- e si se di... escribín (por que non se vai a dicir acabín?)
(Con algunhas nais xa falei disto, pois vós parecía algo preocupante, pero realmente non o é, só temos que interactuar co nen@ dicíndolle a palabra correctamente, pero sen dicirlle que o que di está mal, pois realmente ten bastante lóxica, ou non?) E ademais se non, o cortamos a falar!!!
Pero o conto de todo isto era dicirvos que os nen@s saben moito máis do que tod@s cremos, pero moitas veces somos os adultos os que limitamos as súas aprendizaxes, e o que temos que facer e empurralas cara a consecución da automía do nen@.
Así, e voltando á frase NON SABO... son moitos os que conseguen que lles poñan o mandilón os adultos, ou que á hora de escribir ou debuxar algo, lle axudedes... e realmente, confiando nas súas posibilidades, e tendo en conta que son responsabilidades deles... terán que facelo solos e ó seu ritmo, pero aprendendo a facelo!!!!
Así que, por favor... non limitedes as súas capacidades que son moitas, e aplaudide os pequenos pasos que se van dando!!! Moitas grazas de parte dos nen@s!!!
E como proba, quen di que un nen@ de 3 anos recén cumpridos non é capaz de ler ou escribir? seguro que de principio non o fará tal cal coma nós entendemos a lectura e a escritura, pero... son capaces de recoñecer letras, números, identificar nomes... e se lles axudamos avanzarán á velocidade dunha nave espacial!!!

O MAGOSTO

2008-11-13T22:37:00.007+01:00

Hoxe festexamos a festa do Magosto, a festa da castaña!!!
Para comezar, e antes de ir para a escola de Fornelos, tivemos que facer os nosos bolsiños para as castañas, e logo fomos á festa!!!!

Nela puidemos disfrutar de distintos xogos (carreira de culleres con castañas, carreiras de sacos, xogos con paracaídas, mariola e chapas, zancos, tragacastañas...) e tamén puidemos degustar castañas asadas, e uns deliciosos postres que trouxeron as familias.
Ummmm, que ricos, moitas grazas!!!
E para pechar a festa rematamos cun xogo interparroquias, no que tivemos que facer un puzle (moi difícil, por certo) dunha foto, e logo buscar ese lugar no patio, e atopar unha pista (con tan mala sorte que algún nen@ doutro equipo quitou a nosa pista, e claro... non a demos atopado!!!)
Pero... pasámolo moi, moi ben!!!

NOVAS TAREFAS

2008-11-12T23:13:00.006+01:00

Cada día temos un encargad@ de clase. A partir da semana que ven teremos tamén unha "Estrela da Semana" (ou protagonista), temos grandes traballadores e traballadoras (caracterizados polo gorro de vaqueiros) e hoxe inauguramos outra tarefa: @ fotograf@ do día!!!
Sí, hoxe viñeron uns fotógrafos a facernos unha reportaxe de grupo, e tra-la súa visita, surxiu a posibilidade de que nós tamén podemos sacar fotos coa cámara dixital, así que... fixemos unha pequena proba, bueno, realmente me fixeron un BOOK!!! pero non é plan ensinarvos as fotos (nas que son eu a que teño o gorro vaqueiro) así que facédevos á idea, jeje.
O caso é que lles dixen a varios que sacaran fotos (para comprobar se sabían facelas) e visto o pedazo de BOOK que fixeron, quedoume ben claro que son todos uns profesionais, así que... cada día haberá un fotógraf@ encargad@, e estará marcado no panel dos encargad@s, por orde, tal como estamos facendo co resto de responsables.
Así que, a partir de agora, moitas das fotos que vexades no blog serán feitas polos nen@s!!!!

VAQUEIR@S NA CLASE?

2008-11-12T23:07:00.002+01:00

Sí, sí, sí!!! no recanto dos disfraces temos un montón de cousas, entre elas un gran sombreiro de vaqueir@, e hoxe decidín que llo poñería na cabeza ós nenos e nenas que eu fose vendo que traballaban moitísimo.
E así vou cambiando o gorro segundo o noso traballo, e claro, tod@s queremos ter o gorro, así que... todos estivemos a traballar un montón. Seguro que nalgún momento da mañá somos moitos os vaqueir@s, quen será mañá?

PARA QUE SERÁN AS OVEIRAS?

2008-11-12T23:01:00.004+01:00

Non o sabemos, só sabemos que a profe di que con ela imos facer xogos de matemáticas. Xa veremos o que sae de aquí, de momento, o que fixemos foi... embadurnarnos de pintura de arriba a abaixo!!!!
Xa veredes en que queda a cousa!!

AS CARTAS DE HORACIO...

2008-11-11T19:54:00.005+01:00

Hoxe apareceu na caixa máxica un conto moi bonito, o de "Las cartas de Horacio y su bruja estrafalaria" que falaba dun gato que tiña que ser a mascota dunha meiga durante sete anos, pero... pero era unha meiga que non quería ser meiga, senón princesa... así que Horacio recurría ós consellos do seu tío Serafín para que lle dese ideas sobre conxuros para convertila nunha meiga de verdade, e facíao a través de cartas.
Agora seremos nós os que a través de cartas postais nos escribiremos con outros nenos e nenas de distintos coles, xa veredes cantos amigos facemos!!!

Tamén, despois, a medida que íamos rematando os nosos traballos, íamos ó EDI e creábamos ás nosas propias meigas e meigos, e tamén lles inventamos nomes, mascotas (gatos basicamente).

EMOCIÓNS e SENTIMENTOS

2008-11-09T09:52:00.004+01:00

O venres traballamos outro pouquiño coas emocións e os sentimentos, e para iso aproveitei unhas láminas dun neno contento, e outro triste, e as puxen pedagas no teatriño.
Logo pregunteille ós nenos/as se me saberían dicir porque un estaba ledo e o outro triste.
E sairon cousas como que:
LEDO:
- Porque ten moitos amig@s.
- Porque lle regalaron moitas cousas.
- Porque a súa nai lle deixa ir a onde quere.
- Porque queren xogar con el.
- Porque lle din guapo.
...
TRISTE:
- Porque lle din feo.
- Porque non queren xogar con el.
- Porque lle pegaron.
- Porque lle empurraron.
...

E logo plantexo o xogo de eu dicir cousas, e eles/as colocarse diante do nen@ ledo ou triste (en fila sentados) en cada caso, segundo crean.
Por exemplo: se estades xogando con moitos amig@s nun cumple, se un nen@ vos manca, se vos pelexades...

COUSAS MÁXICAS DO EDI

2008-11-06T21:33:00.006+01:00

No encerado dixital pódense facer moitísima cousas, pero coma nós aínda o estamos coñecendo de momento facemos debuxos, para practicar o trazo cos lapis e os dedos, e mailo borrador, así coma as distintas posibilidades de utilización de cores, sombreados...
E hoxe o que fixemos foi utiliza-la gravadora do EDI para ver como facemos os nosos debuxos. Temos uns cuantos, pero como os arquivos "pesan moitísimo" asi que, de momento só vos podemos deixar esta pequena mostra para que vexades. Picade no PLAY e listo.

DEBUXO DE CELIA

XOGAMOS A CONTAR CON... ALUBIAS!!!

2008-11-06T15:41:00.004+01:00

Son moitas as desculpas que podemos utilizar para que os nenos/as aprendar a contar: pasar lista sabendo cantos estamos no cole e cantos non viñeron, contar o número de letras que teñen os nosos nomes, ou o número de sílabas (facendo o ritmo con palmadas por exemplo), contando os días que faltan no calendario para que sexa domingo ou unha festa... e tamén podemos contar cousas de todo tipo a modo de xogo (fichas, botóns, lentellas, alubias...)
Hoxe utilizamos alubias para xogar cuns mini taboleiros de xogo, nos que simplemente había números dentro duns espazos, e nos que tiñan que poñer tantas alubias como mandaba o número. Todos os tableiros eran distintos, asi que unha vez que completaban un polas dúas caras, podían coller outro, cada vez máis dificil.
Veredes que o longo do curso imos a traballar a lectoescrita e a lóxica matemática con materiais moi cotiás, por iso vos pediremos colaboración en conseguir algúns deles, de momento:
PRECISAMOS TRAER OVEIRAS (de 6 e 12 ovos, con tapa de cartón), cando as teñades ídeas traendo ó cole que as utilizaremos para moi distintas cousas como veredes.
e tamén PRECISAMOS TRAER VASOS DE IOGURES (tanto bebibles coma dos outros).

RELAXÁMONOS Y APRENDEMOS CON MANDALAS

2008-11-05T23:02:00.006+01:00

Hoxe comezamos cunha actividade, que seguramente repitamos unha chea de veces, pois é moi interesante. Trátase de traballar con mandalas, palabra que provén do sánscrito e que significa círculo.
Trátase de debuxar, ou no noso caso colorear, uns debuxos que teñen un marco circular o cal nos fai prestar atención ó centro do debuxo, polo que é unha actividade moi acertada para tratar determinados problemas de atención que se poden dar en casos puntuais, ó tempo que son actividades moi axeitadas para relaxarse.
Os mandalas son pintados tanto por adultos coma por nenos, habendo distintas técnicas de coloreado (de dentro para fóra, de fóra para dentro...) e distintos tipos de mandalas segundo o grado de dificultade.
Existen distintos estudos sobre a importancia de traballar con mandalas como ferrramenta educativa e psicoterapeuta, polo que sería bó que cada un de nós os utilizasemos neses momentos nos que por algunha razón estamos alterad@s e precisamos relaxarnos, así como para aumentar a nosa creatividade, dado que a utilización libre das distintas cores produce que un mesmo mandala pintado por distintas persoas, sexa completamente diferente.
Nós con eles de momento traballamos as cores, as formas... pero sobre todo NOS RELAXAMOS!!! E para iso só tivemos que utilizar un mandala moi sinxelo dun caracol, pouco a pouco iremos facendo mandalas máis avanzados, que esixirán pola nosa parte moita máis atención e traballo coidadoso.

Probade vós tamén.

En internet podedes atopar numerosos mandalas, algúns exemplos están aquí: 1, 2, 3, 4, 5.

A QUE ANDAMOS?

2008-11-05T22:21:00.006+01:00

Non é que poña a data porque hoxe sexa un día especial, nin nada diso, senón que hoxe comezamos unha nova actividade nas rutinas, que é poñe-la data con letras e números, labor do encargado ou encargada do día, en colaboración cos compañeir@s que lle axudan en todo momento que o precise.
Estes días andamos a facer cousas moi cotiás: coma coser (cando se vos caía un botón, non vos preocupedes, temos uns aprendices de xastres boísim@s!!!).

E tamén estamos a xogar, ler e escribir con pinzas, queredes velo?

A NOSA FESTA

2008-11-01T09:50:00.003+01:00

Primeiro tivemos que rematar unhas fichiñas para o noso libro do Samaín, que nos levaremos para a casa o martes, pois non deu tempo de montalos todos.
A medida que ían rematando fixeron unha careta, e tamén ían decorando unha cabaza xigante no EDI, utilizando para iso a páxina recomendada noutro post anteriormente.
E LOGO, COMEZOU A FESTA!!!!
Na festa degustamos uns postres deliciosos, pero... tiñamos tantos, que... casi nos empachamos, e ó final, aínda sobraron algúns, que seguramente comerán os trasnos nesta longa fin de semana (jejeje).

E despois... con estes postres deliciosos e máxicos... convertémonos en MOSTROS!!!!! Aínda que, como a algúns non lles facía moita gracia verse coma monstros feos, nós convertimos en montros guapos. Que opinades vós?

E O VEREDICTO DI XURADO FOI...

2008-11-01T09:41:00.003+01:00

Que a cabaza gañadora do premio (un diploma honorífico) fose a número 2, aínda que estivo todo moi axustado, xa que outras dúas cabazas estiveron empatadas con sete votos.
Para chegar a este resultado final, a primeira hora da mañá as mamás, avoas... que traían ós nenos, votaban a dúas cabazas (e non valía votar á propia, pois senón, todas estarían empatadas, jeje), e máis tarde foron os nenos e nenas os que votaron, quedando o panel de votacións así.
Noraboa á familia gañadora, e tamén ó resto de participantes, pois eran moi chulas, e como non... moitas grazas por colaborar e participar na actividade.

ARAÑAS PELUDAS!!!!

2008-10-30T16:26:00.003+01:00

Hoxe o moucho fíxonos un xogo, no que primeiramente só xogou Joel (pois era o encargado), logo tamén Paula (que foi a encargada onte)... e logo todos os demais.
O caso é que o moucho nos quería gastar unha broma e nos deixou unha caixa, que aparentemente non tiña nada (pois tiña dobre fondo), pero... cando a abrimos ben... había unha ARAÑAAAAA PELUDAAAAAAAA!!
Pero, só foi unha broma do moucho, e como todos os nenos e nenas do cole son moi valentes, e non lle teñen medo ás arañas... nós tamén fixemos as nosas propias ARAÑAS!!!
Queredes velas?

ALGUNHAS FICHAS QUE FIXEMOS HOXE PARA O LIBRO

2008-10-30T16:06:00.004+01:00

Para facer a ficha anterior tivemos que buscar en internet como se dicía cabaza en portugués e en francés, porque en castelán xa a sabiamos, e en inglés tamén.

BENVIDOS Ó ...

2008-10-30T15:30:00.004+01:00

Cambiei de sitio a presentación de fotos das cabazas, para que as podades ver todiñas aquí. Mañá é o día da festa, e... xa é hora de pensar cal nos gusta máis, ou...cal nos da máis medo...
As cabezas agora teñen un número na exposición, porque mañana haberá ó lado un panel no que poderemos votar que cabaza nos gusta máis, e non vale que votemos a nosa!!!!
Fíxadevos ben para ter pensado xa o voso voto. Haberá premio!!!

COMO DECORAR UNHA CABAZA SEN CABAZA NA HORTA?

2008-10-29T23:13:00.003+01:00

Pois vendo un blog amigo, vin que Belén (unha mestra TIC que xa nos escribiu algúns comentarios) lles deu unha páxina para decorar unha cabaza no EDI ou no ordenador có rato, así que con permiso do cole de Aguiño, e tamén de Belén, vos poño aquí o enlace.

SEGUIMOS NO LIBRO DO SAMAÍN

2008-10-29T16:36:00.004+01:00

O venres xa faremos a festa de Samaín, así que xa nos queda pouco tempo para rematar o noso
libro do Samaín, e andamos a correr.
Algúns exmplos dos traballos feitos son estes:

BISCUITS PUMPKIN

2008-10-29T16:01:00.006+01:00

Hoxe convertémonos en reposteiros, e fixemos unha das receitas que nos mandáchedes as familias, e que nos pareceu máis fácil: "gaietas de cabaza", pero como as fixemos na clase de inglés, pois "biscuits pumpkin".
Así, traballamos coas cantidades e os ingredientes tanto en galego coma en inglés, e por suposto... degustámolas!!!! e estaban boísimas.
Pero...aínda que vos deixamos aquí a receita (nós calculamos para 14 persoas), e fixemos un truquiño para que estivesen máis ricas, e foi botarlles raspas de laranxa. Probade a facelas!!!!
(Para ve-la receita en grande, só tedes que picar sobre ela)
Ummmm, están riquísimas!!!

Nós mañá comeremos máis porque hoxe só nos deu tempo a facer unha fornada que deu xusto para que as probásemos, pero... mañá haberá máis!!

POR FIN PUIDEMOS VER O BLOG NA ESCOLA

2008-10-28T15:04:00.002+01:00

Sí, sí, sí!!!! Hoxe vimos o blog no cole, pois xa se solucionaron os problemiñas que había coa liña, así que agora, ademais de ver o blog e poder ler as novas que haxa, e os comentarios que nos facedes... poderemos xogar no EDI ós xogos que aparecen enlazados dende aquí, e tamén poderemos traballar con webquest, que ben!!!

COMO NOS ESTAMOS PORTANDO?

2008-10-28T14:59:00.002+01:00

Como xa falamos na xuntanza que tivemos a semana pasada, comezamos co panel de rexistro de conductas, avaliando de momento, só dous items: recoller o material e xogar sen pelexar.
Aínda que onte, que foi o primeiro día que o usamos, non resultou moi positivo (debía de ser porque aínda non víramos o mal que quedaban tantas pegatinas vermellas xuntas, en lugar das verdes), hoxe o cambio foi bastante notable.
E para que se fagan máis á idea, en lugar de colocar eu as tarxetas correspondentes (aínda que falando con eles, claro), as colocan eles, e non vexades o que lles costa poñer a vermella.
De feito, unhas nenas que hoxe pelexaran, pedíronse perdón despois de poñer a tarxeta para ver si colaba, jeje.

COMEZAMOS O NOSO LIBRO DO SAMAÍN

2008-10-28T14:55:00.004+01:00

Hoxe comezamos a traballar no noso "Libro do Samaín", falamos da festa, das receitas con cabaza que trouxemos da casa...e como non, aproveitamos para ler, escribir, contar, colorear... e faremos un libro que de seguro vos gustará.
Aquí vos deixamos as primeiras páxinas, pero... haberá moitas máis.

TEMOS XA ALGUNHAS CABAZAS DECORADAS

2008-10-27T17:47:00.006+01:00

Esta fin de semana moitos foron os que fixeron "os deberes" valeirando e decorando as cabazas en familia, e xa temos algunhas na entrada do cole, cando teñamos mais as engandiremos a presentación de fotos.
Ademais tamén recolectamos xa un montón de receitas con cabaza, non vós preocupedes mamis e papis, que vo-las pasaremos todiñas!!!!

ONDE VIVEN OS MONSTROS?

2008-10-26T22:08:00.002+01:00

Aquí vos deixo un conto que seguro vos vai a interesar, sobre todo porque estamos nunha semana de falar de cabazas, fantasmas, meigas... e monstros!!!!!!

UNHA PÁXINA MOI INTERESANTE

2008-10-24T22:31:00.004+02:00

Acabo de atopar unha páxina moi interesante, e quero compartila con vós.
Nela hai xogos de todo tipo: de lóxica, de atención... para aprender informática, de educación vial, un obradoiro de lectura para xogar coas palabras...
e tamén hai un apartado específico para Escola de Pais e Nais, onde atoparedes información moi diversa e interesante.

AS NOSAS EMOCIÓNS

2008-10-24T15:30:00.009+02:00

Ata o momento, unha grande parte do tempo se destinou a traballar as normas da clase, esas das que case nunca nos lembramos:
XOGAR SEN PELEXAR
COIDAR E RECOLLER OS XOGUETES
NON BERRAR
CAMIÑAR A MODIÑO POLA CLASE, SEN CORRER
RESPETAR A QUENDA DE PALABRA
...
Agora, que pouco a pouco as imos lembrando... destinaremos unha parte da clase a algo que vai ben relacionado coas normas da clase, pero que se refiren á nosa relación co mundo exterior en xeral. A esta parte lle chamaremos EDUCACIÓN EMOCIONAL, e a imos traballar pouquiño a pouco para aprender a desenvolvernos no noso medio, que cada vez se fará máis grande, axeitadamente.
O outro día, víchedes que traballamos "as grazas" e "o por favor" cun conto e un xogo, e o certo é que si nos está a funcionar dentro da aula, e tendes que esixirnos que fóra dela tamén.
Hoxe o que fixemos foi traballar coas emocións. Sabemos que non sempre estamos ledos, nin tristes, nin asustados, nin enfadados... e hai algunhas cousas que nos fan pasar dun estado emocional a outra, sobre todo (en canto ó cole) os enfados que temos cando queremos dous nenos ou nenas o mesmo xoguete, cando nos enfadamos porque alguén non quere xogar ó xogo que dicimos nós... e tamén cando alguén nos fai dano, ou nos asustamos por algo.
Iso o traballaremos a diario intentando que pouco a pouco nos demos conta desas pequenas cousiñas que agora nos preocupan tanto, e que pronto aprenderemos a solucionar (pelexarse por un obxecto...).
Ademais no cole temos un panel no que cada día na asamblea teremos que poñer a nosa foto no estado de ánimo correspondentee si en algún momento da mañá cambiamos de estado, teremos que cambiar a foto e explicar por qué, e entre todos iremos buscando solucións.
LEDICIA

TRISTEZA

ENFADO

SUSTO

Un exemplo que sucedeu hoxe foi que: Ángela e Paula se enfadaron porque as dúas querían o mesmo caldeiro, unha dicía que ela o tiña primeiro, e a outra que non que o tiña ela e o quería para ela. Solución a este problema: HAI QUE COMPARTIR!!!!! Pero... como compartimos un caldeiro? Pois agarrando unha por un lado e outra polo outro, e xogando xuntas. Non foi nada difícil solucionalo!!!
Non parece que estén enfadadas verdade? Pois eu aínda teño "nas orellas" os berros e os choros de 10 segundos antes!!!

XA TEMOS CARNÉ DE BIBLIOTECA

2008-10-24T15:16:00.003+02:00

Hoxe levamos para a casa, como cada venres, a carpeta do préstamo de biblioteca, e un pouco tarde (pero "nunca es tarde si la dicha es buena") vai con manual de instruccións.
Así non quedarán as carpetas toda a semana na casa, en lugar de vir de volta o luns, nin virán os folios de cores igual que foron porque xa saberedes para que son.
Ademais fixen unha nova ficha para os nenos e nenas de 4 e 5 anos, para ir escribindo datos sobre o conto, e facer o debuxo correspondente.
Hoxe aproveitamos tamén para facer o noso CARNÉ de biblioteca, que vai pegado con velcro na portada da carpeta, pois para poder levar o conto á casa, precísase ter un carné, pero deberá vir o luns pegado no mesmo sitio, posto que o precisaremos para poder ler contos na nosa biblioteca.
Xa vos ensinaremos como os utilizaremos na clase.
E tende en conta que os nosos carnés son especiais como cada un de nós, pois levan as nosas pegadas, e xa sabedes que ninguén a ten igual que a nosa.

ESTÁ PRÓXIMO O SAMAÍN

2008-10-23T22:41:00.009+02:00

Esta tradición tan antiga de orixe celta, estase a recuperar dende hai algúns anos, en distintas zonas de Galicia, e por que non colaborar nós para que tamén se recupere aquí? Pois para iso, esta fin de semana, vos propoñemos unhas actividades en familia: decorar as vosas cabazas (que as teremos expostas no cole), e recuperar e enviarnos escritas receitas de cociña que teñan como ingrediente a cabaza. Con elas faremos un recetario para a aula, e logo... escolleremos algunha receita e a realizaremos no cole.
Ummmm... sa se nos fai a boca auga, verdade?
Logo este recetario se convertirá nun Libro Viaxeiro que irá polas vosas casas para que podades ver tódalas receitas que conseguimos.

Por si alguén non ten moi claro como facer a actividade de decoración das cabazas... aquí vos deixo unha páxina onde ven explicado todo moi sinxeliño.

XA TEMOS BOSQUE OUTONAL PARA OS NOSOS TRASNOS

2008-10-23T22:31:00.005+02:00

Grazas a tódalas familias por colaborar traendo froitos de outono, pois xa conseguimos facer un bosque para que os nosos trasniños podan durmir alí.
Tamén nos serve como exposición de froitos, tanto secos coma carnosos, e tamén amosamos a nosa arte pintando os debuxos dos trasnos, dos cogumelos, dos esquíos... cos que decoramos o entorno, e como non, traballamos a lectoescrita poñendo carteis a tódolos froitos.
Gústavos?

Pois ademais vos deixo aquí unha páxina, que nos enviou por e-mail Lenni (a mamá de Paula) e que é para xogar cos nosos coñecementos sobre os froitos do outono.

SABEDES ALGÚN CONTO?

2008-10-22T21:52:00.002+02:00

Seguro que moitísimos, pero... os inventáchedes vós????
Quen queira pode inventar contos, porque para iso só precisamos ter imaxinación ( e é unha das poucas cousas que temos todos(en maior ou menos medida), e non custa cartos).
Se vos animades a inventar contos: sós, acompañados, en familia, con amigos/as... podedes envialos a esta páxina, e nela volos publicarán, e así poderedes amosarlle a vosa imaxinación, a todo o mundo. Non vos gustaría ver o voso conto publicado en internet? e que se fixese famoso!!!
Veña participade, e lembrade que non poden ser anónimos, tendes que dicir quen sodes.

AS PALABRAS MÁXICAS "GRAZAS" E "POR FAVOR"

2008-10-22T21:33:00.005+02:00

Hoxe traballamos un pouquiño as habilidades sociais, e os bos modales de dar as grazas e pedir as cousas por favor.
Para iso conteilles un conto, o da Fada Mandalina (unha amiga dos trasnos do noso cole) e Amador, un neno que sempre contestaba mal, e facía as cousas de malos xeitos, sen pensar nos demais.
Nunca pedía as cousas por favor nin daba as grazas por nada, entón un día, cansados del, as árbores se afastaron, as flores tamén, o sol deixou de quentalo, un banco no que ía sentarse botouse para atrás... e así tódalas cousas que estaban preto del . El estaba enfadado pero non sabía por que lle facían iso, así que apareceu a fada Mandalina e lle explicou que as súas formas non eran as correctas, por iso todos se afastaban, e lle recorsou que " COAS PALABRAS MÁXICAS GRAZAS E POR FAVOR, O MUNDO IRÍA MOITÍSIMO MELLOR".

Despois de contar este conto, fixemos unha práctica, así que todos un por un lle tiñan que pedir algo por favor a un compañeiro ou compañeira, e logo darlle as grazas. Por exemplo, eu chamaba a Joel e el se poñía de pé, e lle pedía a Paula que lle trouxese por favor un rotulador verde, ela traíallo e el dáballe as grazas e sentaba outra vez; logo Paula que estaba de pé lle pedía algo por favor a outro neno/a e así todos. A verdade é que a actividade resultou moi ben, e toda a mañá estiveron pendentes de que a ninguén se lle olvidasen as palabras máxicas.

Respecto a este tema acabo de atopar unha páxina que trae moitos contos para traballar valores, así que deixóvola aquí para que a consultedes, e tamén a poño nos enlaces a contos, da parte dereita da páxina.

Un dos contos que trae a páxina sobre o mesmo tema que traballamos hoxe, e o conto da "Arbore Máxica", e a podedes escoitar, así que... non fai falla saber ler para coñecer a historia.
Orellas ben abertas e pico pechado!!!

CANTOS TIPOS DE MONOS COÑECEDES?

2008-10-22T21:17:00.002+02:00

Nós sabemos que hai moitísimas especies de monos, pero ímolos coñecendo pouco a pouco.
Algúns dos que xa coñecemos son: os orangutáns, chimpancés, gorilas, mandriles, monos araña e os babuinos.
Cada vex aprenderemos máis e máis cousas sobre eles, pero para ir lembrando todo estamos facendo un libriño do proxecto, e así, en calquera momento, cando teñamos unha dúbida poderemos consultala no noso libro persoal (pois cando o rematemos o levaremos para casa).

POR QUE FALTA TANTO PARA O MAGOSTO?

2008-10-20T15:27:00.003+02:00

Non é que falte tanto, pero é que levamos uns días recollendo as castañas que caen no patio, do noso castiñeiro xigante, e xa temos un montón.
Cada día hai algúns nenos e nenas recollendo nelas, e de paso hoxe tamén fomos recollendo os ourizos baleiros para poñelos no NOSO BOSQUE. Un bosque que imos representar, de outono, para que os trasnos podan vivir alí.
Mañá comezaremos a facelo, e para iso precisaremos traer FROITOS DO OUTONO. Nos axudades?