QUE FACEMOS?

Pois o certo é que de todo un pouco, pois xogamos nos recunchos, facemos fichas, facemos xogos... e tamén INVESTIGAMOS... e para comezar, o primeiro proxecto que estamos a a realizar é sobre os MONOS.
Grazas a que as familias colaboraron moitísimo traendo material para o noso recuncho de insvestigar, temos un montón de información sobre o tema: sacada de internet, libros, contos, películas, xogos para o ordenador... así que agora tócanos a nós poñer en orde toda esa información, e aprender moitísimas cousas sobre o tema.
Hoxe por exemplo, lendo a información que aparecía nunha das follas traídas, e que falaba sobre os chimpancés, descubrimos un montón de cousas:
- Que poden chegar a medir 1´70m. (o que comprobamos medindo cunha lá esa cantidade e logo a pegamos no marco da porta para saber o grande que sería, e dende logo, un chimpancé desa altura sería máis alto que calquera dos que estamos na clase!!!)
- Que pensan.
- Que se ríen se están contentos, ou se arrugan a cara cando están tristes.
- Que cando son pequenos chupan o dedo (coma os bebés)
-... e moitas cousas máis, que xa veredes máis adiante.

E tamén, como non, fixemos un cine (na entrada cole porque está máis escuro) e vimos unha das películas de chimpancés que temos no recuncho de investigar.
Publicado por
Etiquetas: ,

No hay comentarios:

Publicar un comentario

Suscribirse a: Enviar comentarios (Atom)

COUSAS PARA RIR:

Celia: despois de moito correr polo patio (no recreo) ven e dime que lle mire o corazón que ten unha taquicardia. Despois dun rato, e de falar sobre as pulsacións (que aumentan despois de facer moito exercicio, ou se estamos moi nerviosos...) suspira e di: "ay, porque los humanos tendremos que sufrir tanto!!!".
Lucía e Adrián: están falando e Lucía dille a Adrián, ven á miña casa, (e Adri dille que sí). Logo Lucía dille, sí ven que vou ter moitas visitas... (e cando volvo a escoitar a conversa oigo a Adrián que lle di: puffff, non eu non vou que con tantas mulleres me vou a empachar!!!
Adrián: estamos na asamblea e miramos o panel dos encargad@s, e temos que facer un salto, porque non podemos ter dous cargos xuntos, entón di Adrián, hoxe tócalle a Naim porque Ángela é a turista!!!! (protagonista, claro!)
Joel: remata unha ficha e dígolle agora pon o teu nome e a data (e sinálolle para o encerado magnético onde está posta), el mirame con cara rara e dime: a lata? profe eu non se de que lata me estás falando!
Adrián: Están falando na asamblea, por quendas, e alguén comenta que a súa habitación ten dúas camas, e o color da súa habitación... cando lle toca de falar a Adrián el tamén explica como é a súa habitación, e nos di que hai dúas camas, que el durme na máis alta e Ángela na máis pequena. Pero o que máis claro nos deixa é que: "no son dos camas, una encima de la otra, porque esas cuestan mucho dinero y yo sólo tengo dos carteras".
Aaron: Estando no patio, un neno me di que hai unha pala de xogar no areeiro rota, é ven Aaron correndo, e dime: "no importa profe, mamá la cose".
Lucía: Nun momento de patio no que está comigo porque se acaba de pelexar, dígolle que se quede conmigo un ratiño, ata que se lle vaia o xenio. Pasado un rato dime, "profe, xa se foi" e eu dígolle, non que aínda o vexo por aquí (e fago un xesto sinalando por riba da súa cabeza). Ela moi chea de razón, toca a cabeza e dime "pero profe, isto non é o xenio, é unha diadema".
Aaron: Ven a ensinarme unha pupa que ten na man, e eu sóplolle nela e cántolle: Sana sana cuíño de rá, senon sanas hoxe sanarás... e calei para que el seguirá, e dixo: "despois".
(Debía de querer unha curación máis rápida do que di a canción).